| Linda's profile☆ 思C詩SzEの狂想 ☆PhotosBlogLists |  Tools  Help |
|
|
April 23 東京復活之旅 - 遊記 Day 4Day 4: 築地巿場 ＞ 汐留 ＞ 台場
第四日一早起床，就向築地出發，魚巿場中有大大小小的食肆，都唔知點落手。看著旅遊書上的推介，便揀左大和壽司，殊不知真係名不虛傳，一早店舖外已排了長長的人龍。排了半個多小時，終於有得食，因為友人懂日文，溝通過後，就決定由店舖師傅精心挑選今日最新鮮的壽司給我們。中Toro及大Toro壽司真係好好味，海膽更不用說了，整個Set只需要3200 Yen，很抵食吧！
之後，我們先出發去汐留，逗留一段短時間，去了日本電視台，在附近影下相（汐留有很多creative的藝術作品），更意外發現了一座宮崎駿設計的大鐘，每日都會定時開Show，整座大鐘的不同部份會郁架！
今天的重頭戲來了，登登登登，就係台場啦！就算你唔係日劇迷，你都會喜歡這裡，不管朝早或夜晚，都很漂亮！而且台場有很多showcase，展現未來的汽車及機械人等，令你大呼過穩；附近又有好多好大既 shopping mall，一定令你行到腳斷！
April 21 東京復活之旅 - 遊記 Day 3Day 3：Fuji Q 遊樂場 > 新宿
一早起床，到新宿乘搭8點多的巴士，到富士急遊樂場 (Fuji Q)，車程大概一個半小時。到了富士急遊樂場後，看到一列列入過健力士世界紀錄的過山車，我當然沒有這個膽量去玩，更不能想像我這一生會是它的坐上客。為左 Warm Up，我們先去了Gundam Crisis，幾得意，每人會得到一個sensor，但係你要係一個黑暗既環境尋找標誌以啓動Gundam，其實咁黑，我都看唔到咩標誌，都係跟人尾，哈哈哈！之後，就玩我最最最怕既鬼屋（戰慄迷宮V.4），鬼屋很多人排隊，等了差不多個半小時，雖然我害怕飄飄，但我想有十幾個人入去玩，應該不至於好驚！當入到去有工作人員解釋一大輪之後，才發現原來要再分小組（最多４人），每組（我地三個人）可分派一支電筒，就開始驚悚之旅，周圍很昏暗，友人攞左支電筒，我就已經緊抱著Steven的手臂（應該被我抱到就黎斷）依指示去探索。
從那一剎那開始，我知道我唔應該黎架！！！！！！！！！！！！根本就係玩緊真人版BioHarzard，問你死未！？成間醫院，有兩三層，要一個門一個門去打開，每次打開一個門都好怕有喪屍行出黎；雖然我閉上雙眼，但我模模糊糊都見到病床呀一樽樽玻璃樽，內裡唔知裝左咩野咁啦！有時，又突然間有幾隻真人扮既喪屍行出黎，我簡真好想暈好想喊，成身震哂標哂冷汗～～～玩到最後，有幾隻喪屍要黎追我，我唯有用９秒９既速度"跑"向出口，終於我地呢組用左１０分鐘去完成４５分鐘的路程（大部份我都拉著組員跑...）。哈哈，真係咪話唔犀利！
 出到黎，定一定驚後，就去醫肚去！去左吃日本咖喱飯，味道都不錯。FujiQ 開放時間好短，５點就關門，我們唯有影幾張相後就閃人，搭返車回新宿去。
到左新宿後，再約日本朋友去吃晚餐，選了Lumine Est 百貨公司內的沖繩料理，很特別！ April 06 東京復活之旅 - 遊記 Day 1 & 2趁著復活節假期，終於去了一趙［前年沒有實現］的東京自由行，也從忙到喘不過氣的工作中跑出來，確實輕鬆不少！
 Day 1：成田機場 > 池袋 > 新宿歌舞伎町
到了成田機場，跟 Steven 滙合後，便去購買 Suica & N'EX 的優惠套票 (價值￥3500)，坐N'EX到池袋！這個優惠超划算，除可以用很便宜的￥1500搭乘舒適的N'EX外，還可以得到價值￥2000的紀念版 Suica (類似八達通）。 (詳情請參閱 http://www.jreast.co.jp/tc/suica-nex/index.html)
到了池袋 Toyoko Inn check-in 後，便約埋友人去新宿的歌舞伎町醫肚，本來要吃"金太郎"的魚生飯，因為去到時已差不多要關店，所以轉戰韓燒-叙々苑焼肉，不錯的一間韓國燒肉店，提供的肉類(豬牛雞)都好新鮮，肉質非常好，比較特別的是吃到黑豚肉。
吃飽飽後，為左可以抖足精神，吃完飯就打道回館了！
Day 2：涉谷 > 原宿/裏原宿 > 表參道 > 涉谷
飯店內有提供免費早餐，拿了個飯團係手，便出發到涉谷了！到左涉谷，隨左要同"八公"講聲 Hi 外，梗係要係哥條米字型的涉谷大道前影番張相啦！行左109，睇中幾件衫，但係都忍手，因為之後的行程都係shopping，D彈藥唔可以亂花！
雖然約了友人下午去原宿high tea，可是行到攰攰地，都係走左去神座食拉麵～(呵，很好味)。之後搭乘JR線去原宿，一去到原宿，D潮人就出哂黎啦，仲見好多人cosplay 添！Anyway，我地都係向我地既目標進發，係原宿駅既對面，有楝好容易見到既 Snoopy Town，係 Snoopy Town 旁的樓梯上去，就係我地既目的地 - Comme Ca。Comme Ca 既裝修好簡約，以紅白為主，全落地玻璃既設計，充分利用自然的陽光光線，令到間舖好光猛，配上色彩繽紛的鮮果蛋糕，簡直一絕。
High Tea 過後，我們逛了一下竹下通 (類似女人街)，然後向裏原宿進發。裏原宿有好多 designer brands，一場來到，便到 Head Porter 及 Bathing Ape 朝聖一下，係Bathing Ape看中件很有趣的連帽jacket，可惜太貴而作羆。係裏原宿行下行下，就會黎到表參道Hills，沿途見到UNIQLO (掃左幾件 exclusive tees)、GAP及Agnes B。
行到攰哂，又係晚飯時間，我地返回涉谷109 附近，去左間食鯨魚料理的元祖 くじら屋，咁大個女第一次食鯨料理，好似食緊牛肉，但係口感又係魚的質感，很特別，但我想也是最後一次品嚐了。
(待續) March 30 東京復活之旅終於實現了一個小小的願望，九天東京自悠行隨著復活節假期的落幕而結束了！
整個旅程玩得很開心，遊遍左好多潮人聖地，吃了很多美食，還看到櫻花，很滿足的旅程！！
p.s. 遊歷與相片遲些補上。 February 09 Las Vegas + TO 之旅去年九月底去了多倫多渡假，還用了四天時間去了 Las Vegas， a terrific trip！！
 Vegas 的 Golden Strip 夜景很漂亮，金光大道上兩旁的酒店及casio 五光十色，每家都很有 Style 很有特色！
我們住的 MGM Mirage 很有亞熱帶的風情，對於身在沙漠的我們，再適合不過了！
Paris：把法國的 landmarks (巴黎鐵塔及凱旋門) 都放進去了...^+++^
Bellagio：很高貴優雅，Ocean Eleven 也在這裡拍攝呢！
New York New York：以美國為主題
Luxor：以埃及金字塔為主題
and many more, such as MGM, Venetian and Wynn.
這短短的四天過得很 relax 很庸懶，玩得很開心，看了兩場 shows (O and Zumanity)，都很好看，超高水準製作；吃了很多 buffets；還用了一天時間去 Grand Canyon，很壯觀，非常開心又深刻的一次旅程！
---------------
Remarks: 終於可以等到農曆新年的餘暇來作個記錄了，祝大家鼠年行大運，恭喜恭喜！
January 21 日本之行 - Part 2Day 4: 箱根 + 富士山山中湖
這天我們的行程繼續北上，離東京越來越近了，在坐車的途中，已經看到富士山的全貎呢，實在很 lucky 呢，而我們正在向箱根的平和公園及大涌谷進發！
平和公園，如其名，是為祈求世界和平而建設，確實很清幽寧靜，人的心境也跟著平和呢！這裡最著名的是她擺放著由印度贈送的舍利子；除此之外，聽說這裡是觀看富士山最佳的位置，可是我們來到公園的時候，她很害羞呢，密雲已蓋著富士山的頂部了，殘念～～
談起箱根，給人的第一個印象梗係溫泉啦，咁當然就要去大涌谷啦，大涌谷其實是火山口，不斷有由地下噴出來的溫泉水及水蒸氣，一來到就已經聞到強烈的硫磺味啦！我們順著山路來到山頂，就看到一大班人排隊買大涌谷著名的黑玉子(黑色的雞蛋)了，為什麼雞蛋是黑色！？因為由火山溫泉煮熟的溫泉雞殼，受到硫磺的化學作用，蛋殼就變成黑色了！聽說食一個會長壽7年，而我們每人卻吃了2個呢！！
 之後，去了御殿場Outlet購物，不是很驚喜，也沒有什麼想買的；隨之趁著入黑前，坐車入住富士山山中湖浸溫泉去了！
酒店：山中湖新星酒店（榻榻米）
Day 5: 滑雪 + 淺草雷門 + 銀座
早上去了Fujiten滑雪場，因為我們不滑雪的關係，就坐在Foodcourt裡打機食野消磨時間；中午去到河口湖午膳，之前自費訂的魚生船終於登場了，美味指數簡直爆登！！
吃飽飽，下一站就是淺草雷門了，著名的仲見世大街有好多精品及美食（如人形燒），是一個不錯又熱鬧的地方！
哈哈，去完淺草後，終於來到銀座啦，耶～～心情好興奮啊！整條銀座大街金光閃閃，真是美極了！可惜時間實在是太有限了，怱怱影左幾張相，便飛奔去Blueburry及博品館大購買了！
晚飯吃燒肉+神戶牛柳，哇，實在從來都沒有吃過那麼美味的牛肉架，那種入口即溶的感覺，實在有點奇妙！！
吃過晚飯回到酒店後，因為史提芬承諾帶我去新宿走一趟，於是立刻乘搭JR山手線，向新宿歌舞伎町進發，哈，果然真是名不虛傳的紅燈區，街上站著一堆又一堆的拉客服務生，有打扮帥氣的男公關，也有穿著傳統服裝的叫你去卡拉OK，也有打扮成個MIB的黑色西裝友（色情服務），真是令人大開眼界！
酒店：池袋太子酒店
Day 6: 東京迪士尼一天遊
早上10左右便來到東京DisneyLand了，一整天都會待在這裡，直至晚上看完煙花才會離開！！因為之前去過香港迪士尼，所以今次只集中玩Buzz Lightyear及Winnie the Pooh！！不過臨近聖誕節的原故，有很多X'mas limited 的節目，例如Sleeping Beauty Castle換了X'mas的燈飾、以"Nightmare Before X'mas"既 Holiday Mansion 及晚上的電子花車巡遊；不過，最攞命都係X'mas limited version的精品，唉，本著"而家唔買以後就唔出架啦"的心態，Disneyland便成為一個大出血的地方！！
Day 7: 池袋+涉谷+成田機場
嗚，終於到了行程的最後一天，今日基本上是自由行，由於住進池袋太子關係，臨近Sunshine City，吃完早餐，就先去Sunshine City的Namja Town，很趣緻的博物館，裡面有很多主題，例如餃子博物館、鬼屋、雪糕屋等！逗留了大約半個小時，便立即乘JR山手線去涉谷走一圈！
來到涉谷，真是很熱鬧啊，很多人群很多商店，可惜時間實在是太少了，行了一會Mandrake，便要打道回池袋，出發去成田機場了！！
酒店：池袋太子酒店 Sayonara~~
 January 17 日本之行 - Part 1開左．樓下足跡．咁耐，終於可以有野update下啦！ 2006年終於完成左一個心願，就係去日本啦，”等”左咁耐，終於係2006年12月17日實現左啦！ 雖然當初的計劃行程於臨出發前有所改變，是有少許失望，但係唔緊要啦，今次未能踏足既地方，我地下次再去過啦！！呵～～～～ 行程：EGL 本州七天團 時間：2006/12/17 ~ 23 Day 1：大阪城 + 神戶夜景 早上8點就來到香港機場，搭乘10點的CX506  去大阪關西國際空港機場。抵達後，第一站就來到大阪城，最喜歡參觀日本的古代建築了，真是好有氣勢的城堡，可惜來到時已經開始天色昏暗，加上間中落著大雨，逗留沒多久便要走了；接著坐車沿著海邊到達 Mosaic 看神戶夜景，當時天氣又轉好了，真是 lucky！ 神戶夜景是日本三大夜景之一，真係好靚好romantic呀！！ 吃過晚飯後，回到酒店時，真是嚇了一跳，酒店大堂好 grand 呀，頓時成個人精神哂，仲去左附近既 Universal大街及便利店行左一圈添！ 酒店：大阪日航Bayside  (在環球影城隔離，可以在頂樓看風景食早餐，好正！）Day 2：環球影城 + 心齋橋 由於酒店在環球影城隔離，不用早起身之餘，仲只係需要行5-10分鐘就到Universal Studio啦，玩左最好玩既Spiderman同Backdraft，然後就周圍搵景影相，晚上就去左心齋橋，係道頓堀食街食左好好味既金龍拉麵 and 章魚燒，Yummie... 酒店：大阪日航Bayside Day 3: 清水寺 + 京都 + 溫泉 行程一早就去左日本最古老的清水寺，好壯觀，成間寺廟只用大木柱沿著峭壁而建成，當然我們也入鄉隨俗，入寺廟參拜，也飲左一口長命水，希望自己身體健康，而寺廟周圍還有一些紅葉，好靚呀；寺內有出名的姻緣石，看到很多女學生來到買戀愛運符或摸摸姻緣石希望談一場戀愛，她們都很可愛呢；隨後乘車去京都駅附近吃午飯，在附近逛了手塚冶蟲專門店和地下街，便乘搭子彈火車，朝著晚上入住的濱名湖皇都露天溫泉進發！ 酒店：濱名湖皇都露天溫泉酒店  待續 July 31 香港動漫展因為台灣朋友
第一天 星期五晚下班就衝去碼頭搭船到HK，接機時發生小烏龍！
第二天 睡飽後，吃過午飯，便進去動漫展會場囉！人真的很多，幸好我朋友幫我弄了一個VIP卡，不用排隊！嘻嘻～～ 會場比想像中細，大的廠商也只有Bandai、東立、玉皇朝、Moov (Netvigator)等，可是動漫迷真的好瘋狂，手裡大袋細袋都是戰利品，會場也有一些人Cosplay，很不錯！ 之後，帶了她們到 Times Square，因為到處都是 Final Reduction，一逛大家就瘋了，居然逛到晚上 10 點，大家收獲也很滿意，然後就打的去Soho區吃飯，Soho區的每家店都很有特色，我們選了一間印度餐廳，那裡的印度薄餅、咖哩雞和雜菜都好好吃！
第三天 一早起身就帶她們去香港茶餐廳吃早餐，送她們到酒店搭機場巴士，就跟她們道別了！ 我呢，之後就到灣仔去幫男朋友買玩具囉～呵～然後再逛了一會，因為太累了，就搭船回家了！
後記： - 在新聞中聽到我們那天去動漫展總共有11萬人次入場，嚇死人啦！ - Lgin: 在你寄給我的相中，發現我都是跟Zaku跟大鐵人合照，而居然都沒有跟你合照....天啊！！！！ February 21 迪士尼一日遊上個禮拜日, 同
 一行九人 (九餅) 去左迪士尼玩左一日!!餅友係旅行社買左"迪士尼+船飛"既套票, 港幣$619...抵啦...平左$30蚊架... XD 雖然朝早有微雨, 但係去到之後就
 啦, 同埋冇想像中咁多人, 所以玩得好舒服!!  都冇電視報導咁誇張, 唔哂爬鐵欄入閘, 亦都唔需要排長龍玩遊戲...正!!
-----------------等我講下哥日既行程啦-----------------
8:00am -> 好早起身, 超眼訓....
 9:15am -> 碼頭 McDonald's 食早餐
9:45am -> 上環地鐵 -> HK DisneyLand
 一定要買迪士尼一日遊既地鐵飛 [50元], 因為張票印有米奇/高飛/唐老鴨架, 之後仲可以留為記念, 攞番屋企收藏!!10:30am -> 由上環轉左兩次車, 就到左DisneyLand啦...架Disney地鐵Ok啦, 但係車程好短, 唔係好多時間影到相囉!!
嗱, 入到Disney, 千其唔好好似我咁顛哂
 , 應該好似我其他餅友咁, 即刻攞本Disney地圖同埋樂園時間表呀, 咁先可以well-planned架嘛!!美國小鎮大街
一入去就已經身處到美國小鎮大街, 見到好多人排隊同Mickey呀Donald鴨呀影相同埋買手信喎, 但係大家千其唔好咁心急, 玩完返黎慢慢影慢慢買, 因為裡面有個Fantasy Gardens, 有齊哂所有characters, 冇咁多人排之餘又集中...
Tomorrow Land
經過美國小鎮大街, 首先見到Tomorrow Land...梗係開始玩啦!!
推介:
Space Mountains (
 ) - 過山車是也, 已經係全場"最刺激"既遊戲, 但係一D都唔驚, 只係轉到頭暈...Buzz Lightyear (
) - 巴斯光年, 坐卡車入去充滿 Cyber 既世界, 俾支激光槍你係咁射, 之後仲有得分睇下你有幾好眼界...裡面好靚架! [出面仲有個人扮既巴斯光年, 你可以同佢影相架...]Sleeping Beauty Castle
Disney 既 trademark...但係有少少失望, 個城堡又唔大又唔靚, 失色失色!!
Fantasty Land
穿過睡公主城堡, 黎到 Fantasy Land, 就o岩哂 D 女仔啦, 因為我地鍾意既 Disney characters 都係哂裡面囉!! 呵呵呵~~~
 推介:
Adventures of Winnie the Pooh (
): 冇計, 因為我鍾意Tigger, 一定話得意, 不過只係坐架 Hunny 車入去睇 PoohPooh 既故事, 而且車程好短!! 唉, 咪當入去影下相囉...不過唔鍾意既人, 會覺得勁無聊, 坐車入去見到周圍都係 Winnie the Pooh 同埋佢班朋友仔, 你都咪話唔悶囉!!  Fantasy Gardens (
): 呢個靚靚公園集中哂所有 Disney 既 characters, 俾你排隊逐個影...包括有Mickey Mouse, Minnie, Donald Duck, Winnie the Pooh & Tigger 同埋 Chip & Dale, 影到你唔影呀.Mickey's Philhar Magic (
): 係Mickey既3D影院, 超~~~~正, 一定要去睇, 但係有時段架, 記得夾好時間咪錯過!Golden Mickey: 真人musical stage show, 例牌 sell 下 Disney 既 character 咁啦, 連花木蘭同鐘樓駝俠都出埋黎, 場景設計幾靚, 尤其 Little Mermaid 出場既海底世界, 幾有心思..可以一看!
Adventure Land
話明係Adventure, 梗係俾D泰山呀, 獅子王你睇囉...
推介:
Jungle River Cruise: 係泰山既屋企周邊河流坐船遊一轉...帶你進入原始
 既世界~~但係呢個環節會令你濕身, 小心小心...Tarzan's Treehouse: 跟住坐木伐渡河去到泰山屋企, 講下佢個故仔, 有D無聊囉, 但係都黎到, 唔去又唔知點咁... Xp
Festival of Lion King: 又係一齣
 stage show...真人扮獅子王又唱又跳講出獅子王既故事, 不過冇咩特別, 有時間先睇下啦...Disney on Parade (
)黎到迪士尼, 梗係要睇巡遊啦, 老友!! Wkday得一場, Wkend有兩場, 記得mark實D時間呀!
就係咁, 成班九餅又玩下又食下, 咁就六點幾七點啦, 番去美國小鎮大街Shopping, 就等8點既煙花啦!
"Disney in the Stars" Fireworks (
)因為要Shopping既關係, 我地就係咁企左係美國小鎮到睇煙花, 而煙花就係城堡哥度放架, 其實應該幾靚既, 可惜哥晚好大風, D煙花吹到走哂樣...唔制呀....
 E...講左咁耐, 都冇講食野添, 我地中午其實走左入去間叫 Banquet Hall 裡面食 lunch, 係個 foodcourt 黎既, 有燒烤, 壽司, 煱物等款式, 成個 building 設計係 Beauty & the Beast 既城堡囉, 個 lunch 都 OK 架, $50蚊起跳一個 set lunch, 係 Disney 黎講, 唔算貴囉! 餅友話日本要成HK100架...
哇, 唔覺唔覺呢個 HK Disney 之旅打到我手都攰埋添~~但係希望可以同你地分享下去 HK Disney 既 experience 啦!!
p.s. 講真啦, 我覺得香港既報導太誇張囉, 去完之後, 其實都唔係想像中咁差啫, 係細左D之嘛!!
 February 20 去完迪士尼的翌日琴日 (星期日)去左香港迪士尼一日遊...
今日返工攰到七哂彩, 和同行的朋友MSN, 大家都換左以下個 icon, 因為想話俾人聽, 我地真係玩到好攰囉!!
至於迪士尼好唔好玩, 有咩玩, 同影左咩相, 等我休息下, 再話俾大家聽啦!!
|
要來香港動漫展取經，所以我也順道去來個香港三日兩夜遊！
出口閘寫錯了，我們分別一東一西在等...Anyway，有遇見就好
....
|
|
